ملاحظه: هاي رساله مكتوبه على مراحل زمنيه مختلفه و باماكن مختلفة
الفكره منهم كانت انو اعيشك جزء من رحله البحث عن الهديه السنويه لعيد ميلادك
يا رب تاخذي كل اشي بروح مرحه 😬

1

مبارح حولت ارن عليكي اطمئن و اسلم عليكي و أعياد عليكي بالسنه الجديده بس احزري شو ما رديتي علي هههه عادي قال مش اول مرة.

باخر رحلة طيارة الي كان قاعد ولد و امو جمبي، فقعدو يحضرو فيلم inside out انا كل شوي اطلع على شاشة و احضر معهم، بالاخير بتحكي امو بتحب تحضر معنا استحيت حكيت لا لا بس تذكرت صديقه عزيزه علي كانت بتحب هذا الفيلم، فخطرت على بالي ليش ما تعمل theme هدية سنة الو علاقة بالفيلم بعرف انو يمكن مش احلى فيلم بالعالم ولا انو اكثر اشي معجبه فيه بس يعني بحب يكون كل اشي مرتب و متكتك 😆

2

رديتي اليوم علي على مسج راس سنة وووو 🥳

اتحمست ادور ايش في افكار لهديتك بس فش اشي thoughtful، عشان انا متعود اخترع اشي جديد كل سنة 😅 عامل على حالي pressure انو لازم تكون احسن من سنة الماضية، بس تذكرت انو لو ربنا كتبلنا عمر، لسى ضايل ٤٠ او ٥٠ عيدميلاد اجيبلك فيهم اشياء حلوه.
فقررت السنوات اعياد ميلاد زوجية بجيب اشي فانسي و المش زوجية زي سنة هاي بتكون هدية بسيطة بس من قلب زي دايما 😁

3

شفت لعبه Joy من الفيلم و حبيتها، بس اغلب المحلات الي ببيعوها مقاطعين فقررت اتعلم اعمل كروشيه عشان اصنعلك لعبة انا من صفر المشكله ما عندي مراره بس بدي احاول 😅، وكمان بدي اتعلم تطريز مكينة عشان اسهل من اليدوي عشان اصنعلك هودي، مع اني مش متذكر انو عمري شفتك بهودي بس يعني محاولة اذا ما زبطت خليها بجامه 🤣

صح هي هدية ابو شلن بس لا يعني انو ما احط عليها effort و تطلع حلوة 😊

4

بتتذكري منظار الصور الي كان يجبولنا ايها هديه من العمره و الحج!!
طلعلي اليوم دعاية لاشي بقدر اعملو حسب زوقي
فحكيت ليش ما جيبو على هدية فكرتو حلوة، انو الفيلم كان عن شكل ذكرياتنا فصممت هلا صورك مع شخصيات inside out, و صور لذكريات random
المشكلة قال بدو شغل شهر خلينا نشوف اذا راح يطلع حلو ولا لا 😬

5

للاسف اليوم تاكدت انو ما عندي مراره اضل قاعد الف الخيطان عشان اصنع اللعبه، كمان صراحه ما عندي طاقه و وقت مع الشغل (انا اسف)، بس لقيت خالتو راح تساعدني فيها.
🫣عشان الحلال و الحرام انا عملت نص ايدها بس ما بعرف اذا راح تكمل على شغلي ولا ترجع تعيد كل اشي

6

اليوم حكتيلي انو بدك تروحي على Leap، انا تحمست مليون اكيد شفتي من حكيي على انستغرام، المشكلة قد ما بكون نفسي اشوفك و بشتاقلك بس بخاف انفقس لانو دايما بصير اشي 🫠

يا خساره صرت باعت طلب طباعة الصور لو بعرف كان اخرت شوي عشان احط صورة رياض من ضمن ذكريات

اليوم كمان طبعت و صنعت الك مدالية يا رب تعجبك، و جبت ورق هدايا الو علاقة ب theme

7

🥲اوك الي كنت خايف منو صار، و متاكد راح نوصل الرياض و برضو ما راح اشوفك، شعور زنخ ايش الواحد نفسو و ايش الحياة بدها
حزرتك ايش بتتوقعي هديتك اليوم عشان احول اواسيكي بعد الفيلم الصار، و حزرتي انو تطريز مش عارف كيف عرفتي 😅
بس هو مش تطريز فلاحي هو اشي مختلف شوي
بتتذكري بلوز الي جبتها من ضفة الي عليها كلمة ثوري بحس لازم تثوري على بنت عمتك و تيجي معي على رياض 😝

8

انا هلا بالرياض بس تذكرت وانا بالمطار انو في بوكس الي بدو احط فيه اشياءك نسيت امر اخذو بعد ما نكدت مع تغير مخطط رحلة
هلا بعتت سدين تجيبو من المطبعة، قال شو بدها حق كريم رايح جاي، وانا طول نهاري بجيبلها اشياء و ما بتحسابني عليهم، الاخوان الصغار طلعو استغلالين 😂

9

اليوم شفتك اخيراااا
حاولت ابين كوول، بس كنت مبسوط كثير من جوى، هلا بكتب المسج وانا بالمطار للدوحة ولسى مبسوط، يا رب ما تفكريني اهبل، بس جد بشحن طاقة ايجابية بس اشوفك ودايما بنلاقي طريقة نتهبل ومش مساحمك انك فزتي علي بالاسهم اطالب باعادة المبارة و الفايز بعزم الخسران 😂

طبعا كنتي حلوة زي دايما و اهم اشي العباية و ستايل الخليجي 😆 المضحك انو مش انا لحالي شايفك حلوة حتى الخالتو تاعت روبتات بتحكيلك تعالي اصورك انتي حلوة الحمدالله ولا حدا بتطلع بخلقتي امري لله 🤷‍♂️

يلا بشوفك كمان خمس ايام ان شاء الله، يا رب ما يطلعلنا قصة جديدة هيني حجزت رحلة ارجع السبت الصبح

قررت اليوم اجيب لعبة لAsh عشان ما يغار منك، وبدي ابلش احوش عشان اشترلك المرسيدس الحمراء الي شفناها اليوم على عيد ميلادك 65 😝

10

اليوم انا بالدوحة، رحت على مكتبة اجيب لعبة لعمر لانو بحب ادلعو 😅 كان في بنفس الزاوية كتاب صغير بعلم الاطفال عن اسماء المشاعر، والله اجى لحالو بوجهي ما كنت مخطط الو بس جبتو بكلى الاحول بنزيدو على هدية ليش لا

11

مبارح كنت بمشي بسوق القديم، و شفت لاول مرة كيف شرق آسيوين بحتفلو بالفلانيتن، اشي مضحك و محزن بنفس الوقت، يعني بتلاقي الهنود عايشين جو بوليوود و جايبلها وردة حمراء و هي جايبتلو سواره او بتشوفي فلبيني جايب لحبيبتو دب احمر و مكيف. انو اشي بسيط بس حلو، الاشي الي حزني انو ولا حدا استفاد من خبراتي بالهدايا يا خسارة. بالاخير اشتريت علبة مي حمراء عشان اعيش الجو شوي 😂

12

تكمله على موضوع اخر رسالة، اجاني اليوم مصاصة مع طلب كريم، يعني حتى لما اطلب اكل عشان انبسط كريم بذكرني اني سنجل بائس 😂 بس خبيتلك ايها اعطيكي ايها
طبعا بعد ما وصلت الرياض، حكتيلي انك مسافر دمام ، ولا هي راضية تزبط طلعت الرياض ايش فيي 😅
مش زعلان والله، بس نفسي نطلع و نتعرف على رياض الجديدة مع بعض و نخلق ذكريات حلوة جديدة، جزء من ثيم السنة 😄معلش معلش انا مبسوط لانو حاسك مبسوطه و متحمسه و مكيفه انك بتغير جو

شفت اليوم صفحه بتعمل كروت على جريده، كنت بدي احول كل هاي الحكي لجريده لانو جريده عنجد بس استحيت حدا يقرائ ايش بكتب غير انتي

https://www.instagram.com/newspaper_byreef/

والله حتى انتي مش كثير متحمس اورجيكي كل هذا الحكي بس يعني بحسو therapeutic شوي
هلا اريج بتفكرني لسى مجنون 😂 لا مش مجنون ما تخافي بس هاي جزء من الابداع خلاق تبعي🤪

13

مش مصدق اخيرا زبطت طلعت الرياض، هي مسج ما الها دخل بالهديه بس يعني جزء من الجريده

خلينا نشوف كيف اليوم راح يكون، ان شاء الله نقضي وقت حلو مش عارف ليش متوتر بس خايف تزهقي مني لانو راح نطول مع بعض ، انا احيا بعرفش شو احكي زي ما بتعرفي 🥲

.....

بعد ١٢ ساعه، يعني كان يوم حلو التهينا بالحكي و الشغل، كان نفسي يكون يوم احلى بس يا رب يكون عجبك اليوم كمان، اخذنا احلى صوره مع بعض لهلا، طبعا انسي صور المومياء تبعتك 🤣

اليوم سرقت يمكن لاول مره بحياتي ورده عشانك، اذا رحت على نار من وراكي فالله يسامحك🤣
واعطيتك مصاصه كريم الي مخيبها صار الي اسبوع يا رب ما تسسمي مني!

عرضت عليكي تشتري ايش نفسك من البرندات الفانسي بس ما بدك، فكرت لدقيقه الغي هديه السنه و اجيبلك السنسال الي نفسك فيه من كارتير بس عارف انو راح تسخطيني لو عملت هاي الحركه 🤪

(كان في نكته عن Tiffany and Co بس يمكن موضوع مش مريح الك فراح اعمل skip😅)

كمان مبسوط كثير اني تعرفت على مازن، بحس انو راح نكون صحاب و نطش، زوقو بالاكل كويس كمان بس اصير انزل الرياض ناكل سوى، بفكر اذا اخذك معي او لا 😆

.....

14

اليوم رايح على دوحه، صار جاي على اروح على عمان ابلش اركب الهديه على بعض، لسى مش متخيل الشكل النهائي لانو ما شفت كل اشي على ارض الواقع لسى.

كنت بحكي معك الصبح اوصيكي شكولاته وانا بحكي معك حسيت هاي الهديه بدها اشي اكل معها 😅 بس دنيا راح تكون رمضان فا مش عارف ايش انسب اشي الا اذا بعت الهديه قبل رمضان و حطيت معها اشي زاكي بس برضو مش حاب تكون too much

15

من مبارح وانا عندي شعور انو الهدية قليلة. مش حاس فشيت غلي و جبت اشي wow 😓
ضليت الف بمولات انو يكون في اشي الو علاقة بالtheme و حلو ما لقيت
كنت بدي اشتريلك سماعة لانو حكيتي بدك وحده بس خفت اجيب و ما يزبطو معك
مممم مش ضايل وقت لازم اخترع اشي 😅

16

اليوم رجعت على الاىرن اخيراا
جربت الكوكيز الي وصيتهم لعيد ميلادك طلعو مش زاكين و شكلهم مش كثير حلو 😂
حاس السنة الهدية منحوسة او انا بطلت اعىف اشتري هدايا 😱
بدي اجرب احكيلك اجي اخذك من المطار اذا وافقتي بحط الهدية معي و بفجائك فيها اول ما تنزلي 🥳😁

17

أرييييج! 🎉 🎁

أخيرا اجى اليوم الي راح تطبع فيه Joy هالرسالة بحماس، بينما Sadness قاعدة جمبها خايفة إني أخربط بالإملاء! 😆 بس ولا يهمك، Anger جاهز يحرّق أي غلط بعملو

كل عام وانتي بخير يا أريج! 🎂🎊 العمر كله يا رب، ويا رب أيامك كلها تكون زي المشهد اللي Joy وBing Bong كانوا يطيروا فيه، مليانة سعادة وضحك ومغامرات حلوة! 🚀✨

من ٥/٣ الماضي لـ ٥/٣ الحالي، سنة كاملة مرت، والعالم لسه مكركب (زي لما Sadness لمست كل الذكريات بالغلط 🥲)، بس بما إننا متفقين إنه حتى وسط الفوضى لازم نخلق لحظات فرح، فقررت إنه لازم نحتفل ونغيّر جو، حتى لو الدنيا كلها مجنونة! مش شايف في ضرر نحتفل و نغير جونا كل فيحه (او فينه 😅)

بالنسبة لهديتك 🎁، قررت أخذك معي برحلة داخل عقلي (حبيت اشركك المره الرحله الي بمر فيها كل سنه عشان هديتك، مش تحميل جميله بالعكس بكون مبسوط بس حسيت انو حلو تشوفي هاي الرحله). الهديّة بسيطة بس صنعت بمحبه و محملة بكمية سعادة تكفي لتعبّي مخزن ذكرياتك السعيدة! (أتمنى تعجبك وإلا راح أدخل في مود Sadness وأتمدد عالأرض أفكر بحياتي! 😅) واه صح خصمت منها حق رحلات الرياض الي تنكسلت و حق بسكوته ريكو الي اشتريتها بالرياض 😝

في تكملة للقصّة بس مش مكتوبة، لأن القصص الحلوة لازم تنحكى وجهًا لوجه! 😉عشان هيك عازمك على فطور يوم ٨/٣ في مطعمك المفضل راح اروح هناك يا بتخليني افطر لحالي يا بتجي بتفطري معي و بنقضي وقت حلو

بعرف انو دزني مقاطعه عشان هيك كل الأشياء هاي بس بالشكل و كلها مصنوعه و مطبوعه يدويا في عمان. ما تخافي ما راح اكسر المقاطعه

يلا بشوفك بس القدر يسمحلنا! 😁🎈

حاولت ابعتلك الهدية اليوم بس ما زبطتت للاسف 😅
برجع ارنلك يوم عيدميلادك بلكي قدرتي تاخذيها
وما بعرف شو بدك تحكي لعمو أحمد, بس يعني هدية صغيرة
احكي انها من صحابك بشغل 😂

18

شفت اليوم crocs charms نفس الtheme لما كنت بوسط البلد
احتمال كبير ما عندك كروكس بس يعني عجبوني و جبتهم
حطيتهم بالبوكس و حطيت على بوكس لاصق عشان ما اضل احط اشياء 🤣

19

The End, Happy Birthday Areej 🥳🥳